Bikerbaben Birthe!

Eg har fått meg verdens søtaste og stiligaste sykkel! Den var eit ganske spontant kjøp i går, ei gåve frå mannen min :) Eg nevnte kvelden før at det var dumt at vi kun hadde ein av syklane våre her oppe, for det hadde vore kjekt å dra på sykkeltur på Ladestien saman. Så då fann han ut at eg kunne jammen meg få ny sykkel. Skal no seiast at eg har slete ein del med den "gamle" vi har i byn, fordi eg får så ondt i handledd og skuldrar av den. Er av typen offroad. Så då drog vi ut og kjøpte denne snertne og elegante tohjulingen! Som han sa: det følger no nokre fordelar med å vere kona mi! Så sant så sant :)

Check it out! Den har fått navnet Bella og eg vurderer blomster på korga :)

Ei veke åleine, siste dag!

Sola skin, eg vakna til måkeskrik, veilederen min gav meg det avgjernade hintet til å løyse siste oppgave og i kveld kjem mannen min heim! Livet smiler og eg skal øyeblikkelig ut på terassen og nyte det! Tjohoo! God helg alle sammen! :)

Ei veke åleine, dag to..

Trond er dratt til England med jobben og blir vekke til fredag. Eg har faktisk ikkje vert aleine her i Trondheim før, og sidan nettverket er ganske begrensa her oppe har den begynt å melde seg - den store kjedsomheten!
Det begynte bra, hadde en superkoselig kveld hos Ingrid og Lars Erik i går. Det er eit vennepar som eg vart kjent med i Sør-Afrika. Dei var og utveklsa gjennom Fredskorpset og budde i Pretoria. Vi lagde heimelaga sushi, det vart rett og slett ein braksuksess!:) Vi trylla fram spicy tuna california rolls, prawn fashion sandwich og mykje anna.

I dag er det søndag og eg skal egentlig jobbe med siste innleveringsoppgava mi, men det er bare så utruleg kjedelig! Sit og knotar nedpå nokre avsnitt om ordklassar, kriterier og inndeling, avbrutt av litt glaning på TV-boksen... Er utrulig kjedelig når Trond er vekke! Ein dag eller to går greit, men så begynner det å bli veldig tomt i leiligheta. Einaste trøst er at kjedsomheten forhåpentligvis resultere i at eg får gjort noko studiearbeid. Eksamen er om ein dryg månad..

Bryllaupsfesten!

Her kjem del to om bryllaupet...

Etter vielsen kjørte vi til Holmeknappen for å ta bilete. Karl Andreas, ein kamerat som eg vart kjend med på folkehøgskulen, tok bileta. Vi hadde på førehand sett oss ut ulike plassar. Tok bilete på svaberget, ved Holmestova og til slutt klatra vi ned på ei gammal steinbru. Litt stressa då, men håper bileta vart bra! Mens vi klatra rundt tenkte eg på kor utrulig forsiktig eg var med kjolen før bryllaupet. Bar han med andakt inn i bilen frå butikken, men s no.. klatra blandt mose og busker på jakt etter det ultimate motivet! Så då vi ankom lokalet etterpå kunne eg plukke mose frå sløret og konstanteret opp til fleire flekkar på slepet. Pytt, pytt!



Middagen vart nok eit høgdepunkt på dagen. Vi hadde bestilt koldtbord + oksesteik frå Lindås Brygge. Maten var kjemepgod - har eg hørt :) Eg klarte nemleg ikkje ete meir enn litt eggerøre og noko kjøtt og ei loffskjeve. Litt trang kjole, litt oppspilt, litt nervøs.. Men åt rikelig med restar dagen etterpå! Det var mange som holdt tale for oss, og alle var kjempeflinke. Det vart mange fine ord og mange morsomme historier - spesielt artig var det kanskje å merke at folk trakk fram mykje av det same. Så vi har nok ein del trekk, på godt og vondt, som folk tydeligvis legg merke til. Ei spesiell takk til min kjære bror som tok ansvaret for å få fram brura sine gamle røvarhistorier om ølstjeling og konsumering! :) Og til Christian for å avsløre mine evner som ein dyktig diktar "grisehuskeregler" ..illusjonen om ei yndig brud forsvann raskt!

Folk åt og drakk og såg ut til å kose seg, så då gjorde vi det og :) Vidare vart det sett i gang dans etter middagen, med 2 x Kjell bak mikrofonen. Eg og Trond hadde øvd på brudevalsen på førehand, riktignok ikkje så mykje, men dog.. Vi hadde øvd inn etter den meir rolige klassiske valsen, men bandet la opp til en vals i presto tempo! Så det vart ganske paniske valsetrinn på ekteparet Bjørstad :)



Videre var det klart for kakebordet,det blei stort! Kakebord p åvestlandet er jo kjent for å vere ganske rikholdige og eg trur ikkje dette var nok unntak. Christian, ein kamerat frå folkehøsgkulen og lærarskulen, hadde laga ei lekker kake i tre etasjar. Vi droppa kvit dame til fordel for ei herlig sjokolademoussekake. Nam nam! Og så måtte vi sjølvsagt fjerne ringar frå kransekaka - sju stykker!! Eg kan like godt sei det her og no - det kjem aldri i verden til å bli satt til verden sju mini-Trond eller mini-Birthe!! :)

Vidare var det dans, drikking, mingling og masse moro! Vi hadde ein aldeles strålande bryllaupsdag og må få rette ei stor takk til foreldre, øvrig familie, venner, fotograf og kakebaker for all hjelp. Vi hadde vel ikkje heilt sett for oss kor viktig denne dagen skulle komme til å bli og kor utruleg stas det var å ha ein fest med alle som betyr så masse for oss. Vi sit att med masse flotte minner og bilder. Kvardagen kjem fort, så då blir det kjekt å kunne sette seg ned å sjå tilbake på denne dagen.

Bryllaupet!

På lørdag kom endelig den store dagen vår, dagen vi hadde gleda oss til i godt og vel eit halvt år. Det var mykje å ordne før dagen, spesielt torsdag og fredag. Då var vi på handletur i fleire timar for å skaffe alt vi skulle ha. Endå vi hadde handla inn mykje på førehand er det utruleg mange småting ein treng å tenke på når ein arrangerer heile festen sjølve. Dagen før dagen pynta vi lokalet og gjorde alt klart. Det vart hektisk då klokka plutseleg var blitt litt for mykje og brura måtte ile til byen for å hente kjolen. Trond stod att med bordkortskabalen, som i utgangspunktet var lagt av brura... men som kjent kan det av og til gå litt i ball for dinna brura her, så det var opptil fleire feil i antall gjester og plassering så det vart ei hektisk siste tørn for Trond. På kvelden møtte vi nokre av gjestane på Dickens og tok oss eit par øl (og liknande) for å roe nervane. Vel tilbake på hotellet slokna vi før vi nådde puta trur eg.. Eg hadde bekymra meg litt for at eg skulle vere nervøs og bli liggande våken, men den bekymringa var ubegrunna. Sov som ein stein til klokka ringte.

Her er eg i ekte bestemorstil

Neste morgon drog eg til frisøren kl 09.00. Her vart det rulla og tørka for å forberede til oppsettet. Innimellom vart det og lagt make up. Birte, forloveren min, kom kl 10.00. Då kosa vi oss med frukt og musserande vin - nok ein gong var alkoholen grei å ha for å roe ei oppspilt og nervøs brud! :D Eg fikk og overrakt eit album med bilete frå utdrikningslaget. Der var det og helsingar frå alle venninne som var der, og dagens første tåre vart tørka frå augekroken.

Systra mi og svogeren min, Stine og Kenneth, henta oss og kjørte oss til kyrkja. Stine debuterte
med bykøyring- det gjekk strålande! Vi vart
nokre få min for seine til kyrkja, men ankom
vel akkurat kl 14. Der stod pappa og venta, trur han trippa litt der han såg etter oss :) Måtte ta meg sammen for ikkje å begynne å sippe allereie då, var litt redd for at dersom slusane først opna seg så kom det til å renne over..
Klare til å gå opp golvet spurde pappa om vi skulle fort eller seint. Seint! svarte eg.. og sette avgårde i eit rasfort tempo, så pappa måtte nappe meg i armen og be meg roe ned litt.. :D Det var veldig kjekt å sjå alle som var møtt opp i kyrkja og eg var egentlig ikkje så nervøs lenger - det var bare stas. Framme ved alteret stod Trond og venta - så utrulig flott i ny bunad!
Sjølve vielsen gjekk veldig fint, vi svarte ja på rett plass og gjentok løfter etter presten. Oster spelte nydeleg musikk og alle hjerter gleda seg - o lykke! :D

Til tonane frå Jan Magne Førde sin bruremarsj gjekk vi ut på kyrkjetrappa. Sola kom fram og vi smilte og sussa til alle fotografane hadde fått sitt - ikkje oss i mot! :D Resten av dagen får eg fortelle om seinare, det vart mykje å skrive om dette her!

Dagen før dagen..

No ervi komt på hotellrommet og det er straks tid for skjønnhetssøvnen. Litt nervøs og spent, men og ganske trøtt. Det har vore mykje sjauing og styring for å få alt klart til den store dagen vår.. Gler meg til i morgon! Blir kjekt å feire med venner og familie. Så god natt - neste gong eg bloggar blir det som Fru Bjørstad :)

Såg du TV2 sin artistgalla?

Eg sit og ser på TV2 sin artistgalla, med innslag fra Sør-Afrika og Lesotho. Det er mange minner som strømmer på frå fjoråret og det er sårt å bli minna på dei forferdelige forholda enkelte lever under der. Eg og Heidi var bla på ein to dagars ridetur i fjella i Lesotho, den ligg i bloggarkivet mitt.

Uansett, grunnen til denne bloggartikkelen er at eg vil fortelle om en organisasjon som heiter Zulufadder. Den er ganske nystarta og det er Mari Maurstad som står bak. I Eshowe, nord for Durban i SA, har ho starta ein dagheim. Der kan borna få mat, kle og hjelp til å klare seg i kvardagen. For 200 kroner i månaden kan du bli fadder til eit barn her. Foreløpig er det 600 faddrar, så organisasjonen er liten. Difor går pengane uavkorta til borna, administrasjonen er minimal. Gå inn på zulufadder.no og bli fadder! ALLE har faktisk råd til å avsjå 200 kr i månaden.














Her ser du Sbongakonke, min faddergutt som snart blir ni år.

Siste helga som ugifte..

No er det siste helga i hedensk samboerskap - om ei veke er den store dagen like om hjørnet! Den siste helga som ugifte går med til mykje avslapping og diverse pjask med planlegginga. Vi lagar songhefte, vielsesprogram og øvar på brudevals. I tillegg er Trond under kraftig press frå underteikna, han har nemleg ikkje starta på den berømte tala til brura endå! Så han har ein jobb å gjere den siste veka! :) I morgon skal vi teste ut ulike forslag til velkomstdrikkar og øve meir på valsen. God fredagkveld til alle og ei fortsatt god helg!

Nervane kjem snikande..

Når det no er under to veker att til bryllaupet har nervane begynt å snike seg innpå. Ikkje kalde føter altså, men er begynt å bli litt nervøs for alt som skal skje på den store dagen. Det er mykje som skal klaffe og mykje som må organiserast i forkant. Byrjar å bli litt lei av å ta stilling til alle mulige slags småting, men det er jo ikkje nokon veg utanom :) Og midt oppe i det heile så varsla dei storstreik! Det vart heldigvis ikkje noko av, men vi sendte ut foreldre og svigerforeldre på storstilt handel av brus, øl og snacks for å vere på den sikre sida:)

Trass i alt brudestresset gledar vi oss likevel mykje til bryllaupet og det er litt rart at det plutselig er klart for det som for dei fleste er ein av dei største dagane i livet. Vi gler oss veldig til å samle familiane våre og alle venninner og kameratar, og gruar oss litt til å vere midtpunktet ein heil dag -alt kjem jo til å handle om oss rett og slett. Skrekkblanda fryd er det vel det heiter :)

Måndag reiser eg til Bergen og det store spørsmålet no er korleis ein fraktar med seg ein brudekjole på flyet, utan at han vert aldeles samankrølla? Har ikkje heilt funne det ut endå, men kanskje er det muleg å få henge han inne i flyet i eit skap hjå cabinpersonalet? Kven kan vel motstå det sjarmerande smilet til ei yndig brud? :)